كان الليل امحزم بسوادو . والركب كلها واجوادو * كانت اللمة ملمومة . وهبة الصدق معدومة * وشوهت الخلق امداد . والسومة جات بعاهرة وقواد * كان السر بيناتهم مدفون . والعبد عبد ديما مرهون * جات الناس من كل امكان . ابدات الضجة والبهتان * ولا حد عارف امقامو . وكلها يزوق اكلامو * بعد ما خرجات الخرجة . طاحت الذياب في مرجة * ساحت العابها على الدرهم . والدرهم يا ابن عمي يدخل الهم * بعد ما اقراوا اسوارهم . ومثلوا على الناس ادوارهم * حتى النايم فاق . وبانت حقيقة الزواق * اتعرى كل مستور . واصبح مول النية مجرور * ابداوها بالحيدوس والغيطة . هذا ما جابت العيطة * دامت لقصاير ايام . ولحلاسة حاملها مول السلهام * ناس هما عيارة . ما يسعاوا غير للخصارة * لحسوا ما شاط في الكسعة . والغنيمة اتفرقت بين ثعلب ولفعة * مول النية ادى ما يعاود . والفضيحة ما يعمرها امزاود * الهم يا صاح ارجع احزين . ولحمار باقي امطنش الودنين *
دخلات عيساوة وهداوى . وكملات بالشياخ وكناوى * كل معجون اخمر . ولعبات كيسان لخمر * قايد لميا نخاس . كل ادقيقة يغير الباس * جات احليمة ونعيمة . واطوالت الجلسة في الخيمة * كل زاير هز اقرابو وزاد . ما ابقى غير مول الطر والعواد * اصبح احدبث العادي والبادي . وغنى بها الطير الشادي * اشهور وهما
يدللوا . ولفارس الدرهم يعللوا *
منقولة
.
ليست هناك تعليقات:
إرسال تعليق